夕陽無限好

奧運聖火

Posted in: 隨心 @ 2008年05月03日

今早路經尖沙嘴，雖然我唔係去睇聖火傳送，但見好多市民觀看傳遞聖火，現場好有氣氛好熱鬧，其實我有點感動。

除左係北京，今天是我見最多5星紅旗的一天。

原來點燃聖火是有8盞火種燈，聖火是一直點燃，如果其中一盞熄滅，就用其他火種再重新點燃。

今日的聖火傳送，其中一段沙田接力，本來安排賽馬會主席陳祖澤坐馬車傳送火炬，但隻馬意外受傷，所以要改坐另一種車輛。有記者問他沒機會坐馬車傳聖火會唔會失望，牙尖嘴利的陳先生笑說 ﹕「隻馬失望多ｄ」。

呵呵。

回應(5) | 回應的RSS | 暫時未有引用通告| (0)

狗不理

Posted in: 隨心 @ 2008年04月28日

今日 tvb 新聞報導，為了迎接 2008 北京奧運，北京的著名包點狗不理改左個英文名 GO BELIEVE，而且亦換了新形象，一小籠一大包，雪白的18摺包子肥嘟嘟擠滿整個小蒸籠，美麗又吸引，相信味道也不錯。

回應(2) | 回應的RSS | 暫時未有引用通告| (2)

寧靜寂寞

Posted in: 隨心 @ 2008年04月25日

寧靜是環境

寂寞是心境

不同之處是寧靜是你想追求的

寂寞是你不想接受的

一個是極力爭取

一個是被遺棄

一個開心

一個不開心

人只想要寧靜

沒人喜歡寂寞

環境一樣

心境不同

若你見到一個人不發一言坐著

你知道他是寧靜還是寂寞??

回應(11) | 回應的RSS | 暫時未有引用通告| (3)

從前..

Posted in: 隨心 @ 2008年04月21日

1. 從前有個麵包，佢行街行到好肚餓，於是佢就食左自己。

2. 從前有粒軟糖，佢行街行到好攰，跟住佢就話 : 我對腳好軟。

3. 從前有兩舊年糕，佢地痴得好實，一直都想分開對方，有一日終於有人將佢地切開左，於是佢地好開心好興奮，跟住就 give me five， '啪' 一聲，又痴番埋一齊。

4. 從前有一支火柴，有一日佢覺得個頭好痕，於是佢 r 頭，跟住就著左火，支火柴著左火就被送入醫院，醫生幫佢包紮，包完之後佢就變左棉花棒。

有個傻瓜睇完之後覺得好無聊，但自己又係度笑，於是決定同大家一齊分享，希望大家都會開心笑一笑。

回應(1) | 回應的RSS | 暫時未有引用通告| (6)

真正的危險

Posted in: 隨心 @ 2008年04月17日

當我們的注意力被有意無意地指引到上面時，我們就忽略了自己腳下真正的危險~

回應(2) | 回應的RSS | 暫時未有引用通告| (7)

2050

Posted in: 隨心 @ 2008年04月16日

2050 是甚麼意思呢??

闊別舞台18年的盧冠廷，說要開個 2050盧冠廷演唱會，他解釋說2050年是人類的一個轉捩點，好多科學家都講到左2050年，如果大家都可以安然渡過就冇問題，否則，人類就會過得極度痛苦??

2050?? 過左王家衛的2046，過左50年不變的2047，我估我都過埋身添喇。

又說我地而家身處係青蛙自煲症候群年代?? 青蛙自煲症候群係咩黎架??

又估計開演唱會需要用2萬幾度電，所以之後他會做返ｄ相對的太陽能去補償，要投資開發太陽能??

又由於製作演唱會產生二氧化碳，以後會進行些再生能源的投資及推廣作補償??

他提到一直心繫環保，而開演唱會的主題也是環保。

既然咁環保，點解唔跑上山開個大自然音樂會??

不如做個快樂老實人，對住天地唱返首天鳥仲好喇。

呀蝦，我要飛往天上…
呀蝦，像那天鳥傲翔…
呀蝦，那裡充滿希望…
呀蝦，找那溫暖太陽…

回應(4) | 回應的RSS | 暫時未有引用通告| (2)

電話銷售

Posted in: 隨心 @ 2008年04月12日

今晚有個自稱 TVB 打來的電話，個位哥哥仔除左開頭講左句 '小姐，你好呀' 之後，就一輪嘴不停的 sell 電視的服務，包括可以收看甚麼經典電視劇， now 寬頻，足球，等等。

講真，我完全聽唔到佢講甚麼，並不是我聽覺有問題，而是他口齒不伶俐，講野又唔清晰，奇怪咁都可以做電話銷售??

我已經算好脾氣，等佢講左一輪之後，先同佢講暫時唔需要睇個ｄ節目。

佢不停問我點解，又話好抵又話有野送，我唯有同佢講我屋企冇電視機，哈哈。

佢靜左幾秒然後問我 '屋企冇電視咁咪好悶?? 咁你係屋企會做咩架??'

'我係屋企做咩都要講比你聽?? 我而家收線喇，你下次唔好再打黎呀，byebye'

莫名其妙～

經常都接到這類型電話，個ｄ銷售員有冇常識架，免費的贈品並不是每個人都需要，無需大驚小怪。

而且我點都唔信蛤乸會隨街跳嚕。

回應(7) | 回應的RSS | 暫時未有引用通告| (3)