老鼠
呢隻老鼠幾好 ..
回應(4) | 回應的RSS | 暫時未有引用通告| 
(0)
團年飯
堪輿學家說今天是好日子，除了年三十晚今日亦是吃團年飯的一個好日。
過年過節對我來說已經沒有意義，一家人團聚的日子相信也很渺茫，亦都唔會有期望。每天我都是這樣過日子，每天我都有飯吃，應該要滿足現狀。
可以與家人吃飯的朋友真係要珍惜，過左去的事和物，永遠都同你 say goodbye。
回應(9) | 回應的RSS | 暫時未有引用通告| (0)
山竹牛肉
今日飲茶，其中一樣點心是山竹牛肉，見到碟牛肉真係好大感嘆。
以前的山竹牛肉除左有牛肉，基本上還有果皮，馬蹄粒，豬肉…等，放在炸好浸軟的腐皮上蒸，肥肥大大圓圓碌碌的佔滿整隻小碟。
今時今日的山竹牛肉，加了喼汁之後幾乎可以將牛肉浮起，牛肉可以在碟中起舞，翻滾，做運動，打觔斗。
山竹牛肉瘦身成功??
H師傅話以前有一樣點心叫網油牛肉，好香好滑好好味。
我就未食過，相信亦冇機會有得食。
回應(9) | 回應的RSS | 暫時未有引用通告| (0)
每年今日
每年今日我都會記得你的生日，唔知你生日會唔會過得開心，但我深信你唔會快樂，所以唔想同你講生日快樂 (記憶中未同你講過生日快樂 or 慶祝過生日)，其實我都冇機會講，因為唔知你在那裡。如果有一日在街上碰見你，相信你未必會認得我。
父親大人 ~ 真希望有一日會遇見你
回應(3) | 回應的RSS | 暫時未有引用通告| (0)
志勤飯局
前兩日無線翡翠台有個節目 '克勤高清演奏廳'，其中有一 part 志勤飯局，由李克勤訪問陳志雲，其實個部份節目冇乜特別，但一開始就見到李克勤 un 腳，佢隻左腳凸出檯布邊都幾礙眼，我一見到心想點解會 un 腳?? 唔通佢有機會訪問陳志雲好開心好興奮?? 需要 un 腳來顯示他的喜悅?? 或是他根本就是這樣的一個人??
我覺得 un 腳是一個壞習慣，無聊兼輕佻。
回應(5) | 回應的RSS | 暫時未有引用通告| (0)