夕陽無限好

洗剪恤

Posted in: 隨心 @ 2007年12月06日

去髮型屋最怕就係洗頭，永遠都覺得洗唔乾淨，話左只係剪髮唔需要洗，又話要沖沖水，跟住又係護髮素加係你個頭上。我明白佢地要每一個客人離開間髮型屋，個頭都剪得靚靚恤得好好睇，用護髮素或焗油會令ｄ頭髮有光澤。不過髮型屋老闆又知唔知個ｄ洗頭哥哥仔妹妹仔一身煙味，口有煙味連ｄ手指都有味，一係就口入面有舊嘴嚼左勁耐的香口膠，真係好難頂，有ｄ又留左尖尖的指甲，重要問你個頭痕唔痕，真係比佢地搞到個頭好鬼痛。

曾經有段時間我自己同自己剪髮，不過而家間屋的浴室比較細，無咁多地方比我放ｄ小鏡and理髮用品，否則真係唔想比人剪髮，有被虐待的感覺。

今日去剪完個髮，第一時間返屋企洗頭沖涼，仲要係開大個花灑沖左好耐，基本上我有些少潔癖。

回應(11) | 回應的RSS | 暫時未有引用通告| (0)

重慶大廈

Posted in: 隨心 @ 2007年11月30日

昨日去重慶大廈行左一個圈，n年無去過，未入大廈門口已經見到勁多印巴籍的叔伯兄弟，入到去就見到超多找換店，當然還有就是整間大廈都充滿極度誘惑的咖哩香味，真係好有印度 feel。其實我地都行得好快，因為大廈入面真係唔多覺有女人，好快我地就行到去後門轉出去巷仔再出緬甸台，逃出龍蛇混雜的秘密基地。

回應(2) | 回應的RSS | 暫時未有引用通告| (1)

你在農村叫什麼名??

Posted in: 隨心 @ 2007年11月28日

據說農村給孩子取個賤名會更容易養活

根據出生月份和日期

看看你是什麼吧

生日中的月份 :

1.長 2.栓 3.大 4.來 5.狗 6.守 7.傻 8.福 9.屎

10.二 11.胖 12.臭

生日中的日期 :

1.娟 2.妮 3.腿 4.娣 5.球 6.坑 7.年 8.歲 9.娃 10.毛

11.剩 12.姑 13.英 14.妹 15.肥 16.霞 17.狗 18.虎

19.花 20.鳳 21.定 22.村 23.蛋 24.妞 25.木 26.翠

27.愛 28.財 29.石 30.美麗 31.發

我叫臭木 ~ 多多指教 ~ 哈哈 ~

回應(19) | 回應的RSS | 暫時未有引用通告| (1)

林蛋大

Posted in: 隨心 @ 2007年11月23日

回應(1) | 回應的RSS | 暫時未有引用通告| (1)

陳意齋

Posted in: 隨心 @ 2007年11月19日

今日睇新聞紙，報導連鎖店 G.O.D 將會與老牌食品店陳意齋合作，將傳統涼果零食包裝成潮流懷舊食品，在銅鑼灣門巿設專櫃作試點。

記得n年前在中環返工都經常走去陳意齋買零食，最喜歡食扎蹄，齋燒鵝，蝦子花生，甘草檸檬，陳皮梅，香橙軟糖，薏米餅，燕窩糕…等等…等等，當然還有過年時才有得買的芋蝦，蛋散，真係好好好味，流口水ing，哈哈。

如果在銅鑼灣有分銷店就方便好多，起碼唔使爬上去上環咁遠嘛，不過保持食物品質就最緊要。

回應(5) | 回應的RSS | 引用通告(1)| (3)

算命

Posted in: 隨心 @ 2007年11月18日

聊天室的小朋友講算命，小朋友算甚麼命呢?

算命是根據生辰八字，陰陽五行來推斷人的命運，吉凶禍福過去未來。過去的計算得準確，你先會相信算命先生對你未來的預卜。得個10幾歲人仔有幾多過去呢? 就算有過去，比你知你的未來又如何呢?

曾經沉迷命理鑽研紫微斗數的我，都試過去算命2次。第一次算命先生所講的我已經模糊，第二次L先生所講的我亦沒有刻意記在心。

直到那一年我訓係醫院病床上呆呆望向窗外，腦裡面空白一片，才突然想起L先生曾經對我說我會在這年有關口，可能會有動手術之類的事情發生，個一刻的感覺很奇妙。

出院回家之後，找出命書及錄音帶，仔細的看一次聽一遍，發覺原來L先生所算的事情都一一發生，只是自己並沒有留意。

唯獨是２個算命先生都話我命中註定有２子１女，但到而家都冇喎，拆佢招牌先得，哈哈。有機會見到L先生真係要問下佢何解。

個人認為命中注定的事情是沒人能夠改變，天意已定，人算不如天算，命運由不得人，這就是命理的玄妙之處。

回應(7) | 回應的RSS | 暫時未有引用通告| (2)

SIU MEI

Posted in: 隨心 @ 2007年11月16日

SIU MEI 是甚麼呢?? 人名?? 花名?? 今日係 TASTE 見到 SIU MEI，真係唔知點解會有個咁譯名，完全扯不上關係。你見到ｄ叉燒油雞切雞燒鴨燒肉掛起來，當然你會知是一個燒味檔，但如果攤檔未開或已經收工呢?? 我讀書少英文差，唔清楚應該點譯，叉燒叫 bbq pork?? 不過我係溫哥華唐人街見到叉燒譯成 CHA SIU，油雞是 SOY HEN。

原來當我地取笑內地人翻譯英文的時候，自己也是犯同樣的錯。

回應(9) | 回應的RSS | 暫時未有引用通告| (6)