Auld Lang Syne
每年的除夕夜都會聽見這首歌，據說 Auld Lang Syne 是蘇格蘭一首非常出名的詩歌，意思是逝去的日子。
由細到大我都唔喜歡聽呢首歌，可以說是討厭，討厭歌曲的旋律調子。
歌曲比我的感覺是送上斷頭台，結束生命，不會有明天。
回應(3) | 回應的RSS | 暫時未有引用通告| 
(0)
安全感
唔．．．我該是那種不易有安全感的人吧 << 看到一哥的說話，想起安全感的問題 ~
怎樣才算是有安全感？是自信心問題嗎？是自己比自己的壓力還是得不到別人的信任呢？
人要有自知之明，要知道自己才能夠改進缺點，才可以發揮自己的長處。沒把握的事最好不要應承別人，勉強.. 我會覺得是愚昧。
信任是很重要的，信自己可以安心去做事，信別人可以放心別人去辦事，被信任更加是難能可貴。
至於我自己，盡可能我都是親力親為，我喜歡比壓力自己，我覺得適當的壓力可以磨練自己，會有滿足感，有滿足感就會有安全感。
可惜這樣的無形壓力會令我經常性失眠，經常性做夢，徹夜難眠。
回應(5) | 回應的RSS | 暫時未有引用通告| (0)
聖誕禮物
這兩天都去購買聖誕禮物，選擇適合的禮物送比人是幾艱難的事情，就算是簡單買盒巧克力，也要知道誰人是喜歡那種口味，某某又會是喜歡邊一種果仁朱古力嘛。我唔希望別人收到我買的禮物會得物無所用，放埋一邊或轉送其他人，浪費金錢之外亦浪費了我的時間。當我知道朋友不大喜歡我的禮物時，我會覺得傷心，因我也有花過心思選購，心想我點解會咁失敗。
回想以往的聖誕節，從未收過一份禮物是喜歡的，並不是自己的要求高，而是我覺得冇人理解我。
回應(6) | 回應的RSS | 暫時未有引用通告| (0)
大西洋銀行
昨日在拱北 shopping ，買東西找錢時收到2張大西洋銀行的20元，一看到大西洋銀行5隻大字，心諗唔係人民幣喎，望下個收銀員佢又唔出聲，咁我地同佢講唔要呢2張紙幣，我地要人民幣，佢話冇20元人民幣，咁我話要人民幣10元5元都得，終於找左ｄ好殘的人民幣咁我地就走人。之前係H師傅同收銀員講ｄ錢好殘舊，問有冇ｄ新少少的銀紙，點知佢會比ｄ唔係人民幣我地，內地人真係乜都夠膽死。
後來我地估大西洋銀行的紙幣有可能係葡幣，但澳門回歸之後仲可唔可以流通就唔清楚，不過無理由比人民幣找葡幣嘛，我比港幣佢地都唔要，好似我ｄ港紙係假鈔咁。
回應(8) | 回應的RSS | 暫時未有引用通告| (1)
洗剪恤
去髮型屋最怕就係洗頭，永遠都覺得洗唔乾淨，話左只係剪髮唔需要洗，又話要沖沖水，跟住又係護髮素加係你個頭上。我明白佢地要每一個客人離開間髮型屋，個頭都剪得靚靚恤得好好睇，用護髮素或焗油會令ｄ頭髮有光澤。不過髮型屋老闆又知唔知個ｄ洗頭妹妹仔，留左尖尖的指甲，重要問你個頭痕唔痕，真係比佢地搞到個頭好鬼痛。
曾經有段時間我自己同自己剪髮，不過而家間屋的浴室比較細，無咁多地方比我放ｄ小鏡and理髮用品，否則真係唔想比人剪髮，有被虐待的感覺。
今日去剪完個髮，第一時間返屋企洗頭沖涼，仲要係開大個花灑沖左好耐，基本上我有些少潔癖。
回應(11) | 回應的RSS | 暫時未有引用通告| (0)
重慶大廈
昨日去重慶大廈行左一個圈，n年無去過，未入大廈門口已經見到勁多印巴籍的叔伯兄弟，入到去就見到超多找換店，當然還有就是整間大廈都充滿極度誘惑的咖哩香味，真係好有印度 feel。其實我地都行得好快，因為大廈入面真係唔多覺有女人，好快我地就行到去後門轉出去巷仔再出緬甸台，逃出龍蛇混雜的秘密基地。
回應(2) | 回應的RSS | 暫時未有引用通告| (1)
你在農村叫什麼名??
據說農村給孩子取個賤名會更容易養活
根據出生月份和日期
看看你是什麼吧
生日中的月份 :
1.長 2.栓 3.大 4.來 5.狗 6.守 7.傻 8.福 9.屎
10.二 11.胖 12.臭
生日中的日期 :
1.娟 2.妮 3.腿 4.娣 5.球 6.坑 7.年 8.歲 9.娃 10.毛
11.剩 12.姑 13.英 14.妹 15.肥 16.霞 17.狗 18.虎
19.花 20.鳳 21.定 22.村 23.蛋 24.妞 25.木 26.翠
27.愛 28.財 29.石 30.美麗 31.發
我叫臭木 ~ 多多指教 ~ 哈哈 ~
回應(19) | 回應的RSS | 暫時未有引用通告| (1)