盲公骰

Posted in: 隨心 @ 2007年12月21日

並不是教人賭錢，我覺得盲公骰幾得意，但又好似唔聽見有人提起呢樣野，唔通已經失傳??

盲公骰點玩呢，好簡單，總共有6粒骰，每粒骰都只有一面有點數，需要一隻大湯碗 (最好係有雞有魚圖案的款式) 用來擲骰。每人只要拎21大圓係個pool到，點解係21大圓呢，我猜是因為骰的點數加埋係21嚕。然後輪住擲骰，擲到幾多點就可以拎幾多錢，例如10點就可以拎$10，盲晒就無得拎，如果擲骰時有骰跳左出黎就要停1次。如果玩到得$2而又擲到10點，咁個位兄弟姊妹就要嘔個差額出黎，即是$8。不過如果玩到得$8而又剛好擲到8點，咁就可以拎走pool裡面$8，另外其他參加者都要俾$8個位幸運兒。