電話銷售
今晚有個自稱 TVB 打來的電話，個位哥哥仔除左開頭講左句 '小姐，你好呀' 之後，就一輪嘴不停的 sell 電視的服務，包括可以收看甚麼經典電視劇， now 寬頻，足球，等等。
講真，我完全聽唔到佢講甚麼，並不是我聽覺有問題，而是他口齒不伶俐，講野又唔清晰，奇怪咁都可以做電話銷售??
我已經算好脾氣，等佢講左一輪之後，先同佢講暫時唔需要睇個ｄ節目。
佢不停問我點解，又話好抵又話有野送，我唯有同佢講我屋企冇電視機，哈哈。
佢靜左幾秒然後問我 '屋企冇電視咁咪好悶?? 咁你係屋企會做咩架??'
'我係屋企做咩都要講比你聽?? 我而家收線喇，你下次唔好再打黎呀，byebye'
莫名其妙～
經常都接到這類型電話，個ｄ銷售員有冇常識架，免費的贈品並不是每個人都需要，無需大驚小怪。
而且我點都唔信蛤乸會隨街跳嚕。
回應(7) | 回應的RSS | 暫時未有引用通告| 
(3)
Kli
天
alanart
2008 四月 12 at 11:14 pm 在美國有阻止電話銷售的法例﹐遺矩者要被重罰。不知香港有沒有此種法例﹖
2008 四月 12 at 11:30 pm 我也發覺,有些電話銷售員是有點離譜的,更甚者,是態度打不可一世得好像我乞求他讓我幫襯他似的.無奇不有,不過我倒喜歡簡單說句byebye就掛線了.^^
2008 四月 14 at 8:53 pm 哈哈~無電視你都講得出~十個叻~!!!
我係公司成日都接到seoo文具果d電話~通常我都好有禮貌咁講~我有喇~多謝你o既好意先~不過...如果佢係女仔~我會同佢吹耐d~XDD
2008 四月 16 at 12:16 am alan~香港好似有阻止電話錄音的銷售
2008 四月 16 at 12:19 am 心靈代筆 ~ 如果一口拒絕，我怕打擊而家年青人的脆弱心靈呀。
2008 四月 16 at 12:21 am 天~你下次都試下，幾好玩架。
2008 四月 19 at 4:22 am 現在的sales太唔專業了。