萬聖節
唔清楚由幾時開始我地ｄ唐人會慶祝萬聖節，亦唔知幾時佢地ｄ鬼佬會慶祝七月十四盂蘭節，文化交流嘛，哈哈。
回應(3) | 回應的RSS | 暫時未有引用通告| 
(1)
吞蟲卵減肥
今日新聞紙報導，內地近日流傳由香港傳入的吞蛔蟲卵減肥法，稱蟲卵在肚裡可吸收多餘營養而導致減肥效果，而這吞蛔蟲卵減肥法曾在台灣風靡一時，最近這股風氣吹至內地，一些網民更有在網上兜售。
醫生解釋蛔蟲卵被吞入人體後繁殖演變成幼蟲，更會穿過腸壁進入淋巴腺和腸系膜靜脈，經心，肝，肺，再穿過血管到達肺泡，再經過氣管到口腔，食道，胃等重要器官。
唔清楚用這方法可唔可以減肥，就算可以都唔好用喇，分分鐘會死人喎。
我睇完呢段新聞，想起老媽子曾經講過，阿婆以前試過係胸部位置生左個毒瘤，嚴重到流血流膿，類似而家的乳癌。當時鄉下農村ｄ人唔識處理，亦都唔會去睇西醫，於是就用左一個古老方法，就是生吞毒蜘蛛，等隻蜘蛛吸晒體內的毒素。最後的結果係阿婆無事，個瘤無左，完全好番。聽落係不可思議，但事實就是如此。
雖然係咁講但當然唔可以試喇，因為個隻蜘蛛已經被我阿婆食左，而且我相信個隻係蜘蛛精嚕，可遇不可求架，哈哈。
回應(5) | 回應的RSS | 暫時未有引用通告| (1)
| 1 | 2