狗不理
今日 tvb 新聞報導，為了迎接 2008 北京奧運，北京的著名包點狗不理改左個英文名 GO BELIEVE，而且亦換了新形象，一小籠一大包，雪白的18摺包子肥嘟嘟擠滿整個小蒸籠，美麗又吸引，相信味道也不錯。
回應(2) | 回應的RSS | 暫時未有引用通告| 
(3)
寧靜 寂寞
寧靜是環境
寂寞是心境
不同之處是寧靜是你想追求的
寂寞是你不想接受的
一個是極力爭取
一個是被遺棄
一個開心
一個不開心
人只想要寧靜
沒人喜歡寂寞
環境一樣
心境不同
若你見到一個人不發一言坐著
你知道他是寧靜還是寂寞??
回應(11) | 回應的RSS | 暫時未有引用通告| (3)
從前..
1. 從前有個麵包，佢行街行到好肚餓，於是佢就食左自己。
2. 從前有粒軟糖，佢行街行到好攰，跟住佢就話 : 我對腳好軟。
3. 從前有兩舊年糕，佢地痴得好實，一直都想分開對方，有一日終於有人將佢地切開左，於是佢地好開心好興奮，跟住就 give me five， '啪' 一聲，又痴番埋一齊。
4. 從前有一支火柴，有一日佢覺得個頭好痕，於是佢 r 頭，跟住就著左火，支火柴著左火就被送入醫院，醫生幫佢包紮，包完之後佢就變左棉花棒。
有個傻瓜睇完之後覺得好無聊，但自己又係度笑，於是決定同大家一齊分享，希望大家都會開心笑一笑。
回應(1) | 回應的RSS | 暫時未有引用通告| (6)
2050
2050 是甚麼意思呢??
闊別舞台18年的盧冠廷，說要開個 2050盧冠廷演唱會，他解釋說2050年是人類的一個轉捩點，好多科學家都講到左2050年，如果大家都可以安然渡過就冇問題，否則，人類就會過得極度痛苦??
2050?? 過左王家衛的2046，過左50年不變的2047，我估我都過埋身添喇。
又說我地而家身處係青蛙自煲症候群年代?? 青蛙自煲症候群係咩黎架??
又估計開演唱會需要用2萬幾度電，所以之後他會做返ｄ相對的太陽能去補償，要投資開發太陽能??
又由於製作演唱會產生二氧化碳，以後會進行些再生能源的投資及推廣作補償??
他提到一直心繫環保，而開演唱會的主題也是環保。
既然咁環保，點解唔跑上山開個大自然音樂會??
不如做個快樂老實人，對住天地唱返首天鳥仲好喇。
呀蝦，我要飛往天上…
呀蝦，像那天鳥傲翔…
呀蝦，那裡充滿希望…
呀蝦，找那溫暖太陽…
呀蝦，像那天鳥傲翔…
呀蝦，那裡充滿希望…
呀蝦，找那溫暖太陽…
回應(4) | 回應的RSS | 暫時未有引用通告| (2)
電話銷售
今晚有個自稱 TVB 打來的電話，個位哥哥仔除左開頭講左句 '小姐，你好呀' 之後，就一輪嘴不停的 sell 電視的服務，包括可以收看甚麼經典電視劇， now 寬頻，足球，等等。
講真，我完全聽唔到佢講甚麼，並不是我聽覺有問題，而是他口齒不伶俐，講野又唔清晰，奇怪咁都可以做電話銷售??
我已經算好脾氣，等佢講左一輪之後，先同佢講暫時唔需要睇個ｄ節目。
佢不停問我點解，又話好抵又話有野送，我唯有同佢講我屋企冇電視機，哈哈。
佢靜左幾秒然後問我 '屋企冇電視咁咪好悶?? 咁你係屋企會做咩架??'
'我係屋企做咩都要講比你聽?? 我而家收線喇，你下次唔好再打黎呀，byebye'
莫名其妙～
經常都接到這類型電話，個ｄ銷售員有冇常識架，免費的贈品並不是每個人都需要，無需大驚小怪。
而且我點都唔信蛤乸會隨街跳嚕。
回應(7) | 回應的RSS | 暫時未有引用通告| (3)
用食物去形容人
用食物去形容人，中國人始終高一班。
美國人形容法國浪子為「那條法國麵包」。
在英語的世界裡，女人是「蜜桃」，情人是「蜜糖」。
但中國人的世界卻不一樣，和食物有關的，都不是好東西。
例如：~
妓女是「雞」，男妓是「鴨」。
老女人是「老藕」，男人愛上年紀比自己大的女人就是「煲老藕」。
蠢人是「一舊飯」，容易受騙的人是「水魚」。
靠妓女維生的叫「龜婆」或「龜公」。
死屍叫「鹹魚」。
臉孔胖的叫「發水麵包」。
眼睛小的叫「豆豉眼」。
瘦人叫「排骨」，胖人叫「豬」。
又矮又胖的叫「矮冬瓜」「大番薯」。
手指又肥又短的叫「皇帝蕉」。
大腿粗壯的叫「金華火腿」。
小腿太胖就說是「蘿蔔腿」。
穿得臃腫的就是「裹蒸粽」。
哨牙就叫「西瓜刨」。
你看我們把人和食物醜化到甚麼樣子??
食物應該用來比喻美好的事物才對嘛。
總不能用「那條中國臘腸」來形容一個中國男人吧。
回應(10) | 回應的RSS | 暫時未有引用通告| (13)
| 1 | 2